Akylsyzyň problemasy

Akylly adam gürlände,
sem etjek bolman sesini,
ýa ýaňsylan bolup gülmän,
akylly adamlar diňlär,
duşmany-da bolsa ol,
hatda bahyllykdan ölüp-dirilse,
hökman gulak asar, düşünjek bolar,
oň üçin däl, elbetde,
özi üçin ozaly,
sebäp gürleýäne bolşundan beter,
akylsyza gerek akyl gazaly.

Akylly adam gürlände,
köpi gören, otdan geçen,
hem özün asmaýan asmandan artyk,
diňe aýtmalyny aýdasy gelýän,
akylsyz adam diňlemez,
biljek bolup kösenmez ol
agyrdýanyn nämä başyn akyllyň,
ätläp bilmän öz üstünden, megerem,
akylsyz mydama akylsyz galdy.