Beýni tälimi

Eliňe tälim bereniň,
her çärede gaty çarpyp,
ýeterlik däl, megerem.

Diliňe tälim bereniň,
her çärede gygyryp,
ýeterlik däl, megerem.

Başyňa tälim bereniň,
aşak egip uzakly gün,
ýeterlik däl, megerem.

Gaşyňa tälim bereniň,
öňýetene ýylgyryp,
ýeterlik däl, megerem.

Biliňe tälim bereniň,
öňýetene epilip,
ýeterlik däl, megerem.

Belki, beýni tälimini,
ýa, aýdaly, aň-üşügi
kaşykdan öňe itmeli,
iň bolmanda Pyragydan
iki setir ýat tutmaly...