Gelnen ýer

Bu millet bir zaman çala
molla-müftä, öli tapsa begenýän,
her zat diýip gülerdi,
arak hödürlärdi çäýnege guýup,
palçy, tebip galyndysy geçmişiň,
gyrak-bujak obalarda galypdy,
tomusda aç, gyşda buýup.

Indi görseň, öňýetende tesbi bar,
durmuşdan basylan, aljyran kileň,
güni geçýär doga bilen,
para berip, hajy boljak başarsa,
molla, müfti, palçy, tebip,
öli ýa-da hassa tapsa begenýän,
iň arzyly adam boldy, beýgeldi,
walla, millet nirä baryp,
ýene nirä gaýdyp geldi?