Ýol hadysasy

Sen diňe ýoldasyň, düşün,
belki-de, ýoluň başynda,
ýa-da ýalňyş ýoldan gidip,
azaşansyň uzak, ýakyn,
ýitirensiň wagtyňy kän,
umydyňy arasynda,
ýöne, şükür, dolanansyň,
hem tapansyň dogry ýoly,
belki, ýoluň ortasynda,
ýa-da golaý menzile sen,
niýetiňde, ýüregiňde,
dogry tutup päliňi,
iň esasy ýöre, durma,
ýöne eger-eger, alla,
özün öwýän gahrymanyň
gurýan meýlisine barma!