Sahnadaky gahrymana ynanma

Sahnadaky gahrymana guwanma,
näme geýse geýsin üsti-başyna,
näme diýse diýsin, ýa näme etsin,
sebäp durmuş sahna däldir,
oýun däldir ýaşaýyş,
oýun ýaly görünse-de daşyndan,
hemem diňe özüň dälsiň ýaşaýan,
ejeň bardyr, kakaň bardyr jahanda,
bardyr dogan-garyndaşyň, milletiň,
a arkada adamzat,
garyp-gasary ýetik,
iýere nan, içere suw tapmaýan,
ejiz, naçar, garrylar hem çagalar,
gara gyşda gagşaýan,
boldy, bolar elmydama
bu oýunlar oýnalsa,
pida bolýan öň hatarda,
özün salýan her bazara,
hemem satjak bolýan gymmat,
gaýytmaýan hiç ýalandan, hileden,
sahnadaky gahrymana ynanyp,
öz bagtyňy ýatyrma.