Mertebe nobaty
Moskwada 100 çemesi aktýor türmä basylan kärdeşleriniň azatlyga çykarylmagyny talap edip, ýeke-ýekeden bir minut protest bildirmek üçin uzyn nobata durdy. Habarlardan
Bu ýurt ozal bendileri aç ölen,
hem olara aňzak gyşda
ölmez-ödi geçiren
naçarlaryň nobatlary,
syndyrylan erki bilen bellidi,
barha artyp barýar gazet nobaty
diýip näçe guwansa-da Ezizow,
emma bu gün başga nobat,
piket nobatyny gördüm,
Nobatystan paýtagtynda,
adam mertebesi üçin, alla,
erkinligi üçin ýene,
hem adalat üçin biraz,
nobat gördüm, eý, hudaý,
ýa-da bu düýşümmi, sahnamy ýalan,
düýşünde nämeler iýmeýär gedaý?