Sen özüňi täzeden gur

Her gün irden ýa-da agşam
sen özüňi täzeden gur,
ortatap ýa adaty
şahyrlardan, ýazyjydan gaça dur.

Gaça dur niýeti, işi gümürtik,
watançydan, milletçiden, dinçiden,
esasy gylygy gykylyk bolan,
işe gezek gelse şermende, şärik
bolmaz seniň abyraýňa, adyňa,
hemem umyt etme boşuna ýalan,
ýalançy hiç çynçyň ýetmez dadyna.

Gaça dur sen adam hukugy diýýän,
ýa-da diýýän azatlygy adamyň,
azat bolman özi ozal
açgözlükden, bahyllykdan, beýleki
pesliklerden ähli adama mahsus,
iň esasy emel ýeten näkese,
ýa-da özün tanamaýan,
ýa-da tanap, tanamagy özüni
inkär edýän ussatlarça nadara,
başyňy galdyrma, her näme diýsin,
özüne goý, diňe özüni iýsin,
sen özüňi diňe täzeden döret,
täzeden gur her gün ertir ýa agşam,
göwni gözel gelniň gözünden ogşap.