Namys işi

Häkimýet başynda dälirän, azan,
ýa KGB-äň türmesinde taýakly,
ozalky leninçi, beýnisiz jellat,
Pyragydan ýeke setir bilmeýän,
ýa ýatlatsaň, manysyny almaýan,
nähili ýazmaly goşgy, kyssany,
öwretse ýa akyl berse, dymarsyň,
içe salyp gaharyňy, gussaňy,
emma häkimýete ýetip bilmedik,
ýöne arzuwynda dälirän hassa,
sözüň azatlygy, wagty hakynda
nutuk sözläp soňundan
haçan näme ýazmalysyn öwretse,
talap etse üstesine, eý, aman,
diňlemeseň eýle, beýle bolarsyň,
haýbat atsa, umuman,
meniň oýnum oýna diýip,
belki, dymyp bilmersiň,
emma agyz deňäp, düşseň deňine,
gaharyňdan basylyp,
köşeşeňde namysdan bir ölmersiň.