Durmuş näçe karam etse
"Ölemde seni okadanymy ýatlap, ýylgyryp ölerin" diýen professoryň ýadygärligine
Bu durmuşdyr, adamy,
gör, nähili güne salar,
gör, nähili enteder,
suw içirer it-eşegiň
art aýagyndan, aman,
kaýyl borsuň ölmeseň,
sebäbi duşmanyň güýçli bor mydam,
egriň däl, dogrynyň ýolundan gitseň,
gahar edip, ýorganyňy otlaman,
ahyr netijäni yzlasaň, ýitseň,
ýat illerde, gelip bilmän yzyňa,
yzyňda mekdepde ýa-da ýokarda,
Aşgabatda sapak beren bir bende,
"Ol meniň okuwçym!" diýip buýsansa,
ýa ölende ýatlap, ýylgyryp gitse,
şübhelenme, barýan ýoluň dogrudyr,
durmuş näçe karam etse.