Diýdiler

Işsiz, mätäç kän diýdiler,
diýdiler ýagdaýlar agyr,
sebäp sabyr barha beter azalýar,
işleýäniň aýlygy az,
çagalara çörek puly ýetmeýär,
a hökümet, döwlet diýilýän ärler,
iň ýokardan iň aşaga,
adamlary garyp-gasar saklamak,
ejiz hala salmak üçin göreşýär,
baglaýar ýoluny gitjek-geljegiň,
gazanjagyň öz çöregin ýük çekip,
ýa birine hyzmat edip tölejek
iň bolmanda ölmez-ödi hakyny,
ýaraglanan dişine çen
serhetçiler durýar mäkäm serhetde,
çykarjak däl, getirjek däl hiç kimi,
hökümete baş egmese,
diýdiler, ýene-de kän zat diýdiler,
emma çykmadylar öýden daşaryk,
aýagasty bolup mese.