Ýeriňden tur diýme

Ýeriňden tur diýme oturan bendä,
siňegini gorap bilmän,
üstünden öňýeten basyp geçýärkä,
ýa ýatana otur diýme dikelip,
palaw iýip ýa-da aç,
ýa ýöräp barýana ylgaly diýme,
ýa ýüwrüge diýme uçaly göge,
öz ýagdaýy bolsa, oturan adam
sensiz, mensiz biler turmaň tärini,
durmaň tärini,
aýagynyň üstünde bek;
ýa ýatan dikeler içinde jany,
ysgyny bar bolsa hökman,
emma TW-sinden gorkýan,
basgylanýan her gün agşam,
ýalan guýlup üstünden kän,
çärelerde çekelenýän,
ýowarlarda ýekelenýän,
maslahatyň almaz seniň,
diýme, çärä barma dogan,
ýa-da çykma ýowarlara,
otur çagalaryň bilen,
eger adam erki bolsa,
sensizem biler bulary,
emma erki bolmasa hiç,
ýa bolmasa gaýraty,
näme diýseň, bolar giç.