Özünde gizlenmäge ýetişmedikler

Döwletiň maşyny, äpet,
kiçijik adamyň üstünden gelýär,
gaçmaly we gutulmaly,
astynda galmajak bolsaň,
ilki beýläk, soňra eýläk geçende,
çagalaryň bilen bile,
bile eneň-ataň bilen,
dogan-gardaş bilen ýene,
ol ozal kän maşgalany ýok etdi,
obalyny, şäherlini entetdi,
sebäbi olar wagtynda
sowulmaga ýetişmedi,
ýetişmedi gizlenmäge
öz içinde ussatlarça,
ýa mydam bolmady ägä.