Ol ata, ol ene
Ol ata, ol ene gerçek oglunyň
Neşekeş bolmagna garşy durmasa,
Ol ata, ol ene bägül gyzynyň
Bisowat galmagna garşy durmasa;
Bilmese, aňmasa ýananyň seniň,
Okajak bolmasa ýazanyň seniň,
Ýa alysda bolsa kitap-depderden,
Hat iberseň uzak ilden kepderden,
KGB kepderi atsa ýokarda,
Millet bolan gulak assa sakyrda,
Sammylda aldansa agzyny açyp,
Çynyn aýdan gezse bukulyp, gaçyp;
Ol ata, ol ene ulugyzyny
Azanyň öňünden çykarsa besläp,
Ol ata, ol ene gerçek ogluny
Azanyň goragna iberse isläp,
Hemem seniň halyň sormasa biri,
Sen nädip gorarsyň ýurduňy, ili?
()