Haýyş

Derdiňi diý, sözle gardaş, sögünme,
Däne-däne aňlat, sözüň kesmäli.
Diýýäň: “Aksaraýda türkmen gyzlarnyň
Bolup durşy meni eýledi däli.”

Aç ýüregiň, içiňi dök, bolmasa,
Köşek ýaly bozla, diýmäli besdir.
Diýýäň: “Diwarlara urdum başymy,
Dar sokakda ýatdym aýylyp essim.”

Sözle, ýöne atma günäni başga,
Özüňi aklama özgäni kyhlap;
Bil, hemmämiz günäkär biz, ilimiz
Gara günde ýesir goýsak ah-wahlap.

Aýt, aýt, aýt, galmasyn arman,
“Hä” bereýin, hem düşünjek bolaýyn.
Ýöne gazap edip sögünme, gardaş,
Onuň bilen gutaran ýok golaýyn...