Bolmaýan zat

Adamyň aýdasy gelýär,
Diýesi gelýär derdini,
Gemre baglan içinde;
Dökesi gelýär gurduny,
Adam gözleýär günde.

Adamyň aýdasy gelýär,
Diýesi gelýär islegin,
Telwasy bar ýürekde;
Ýöne diňlejek tapmaýar,
Haraý gözleýär gökden.

Adamyň aýdasy gelýär,
Bagyrasy gelýär käte
Bir egne owkap ýüzün;
Emma adam tapmaýar hiç
Aňlajak diýjek sözün.

Adamyň aýdasy gelýär,
Açasy gelýär ýüregin,
Seçeläp däne-däne;
Açylasy gelýär onuň,
Hany bolýarmy näme?