Men bir goşunsyz general

Men bir goşunsyz general,
Girdim urşa aňyrsy ýok.
Güýç deň däldi, ýaralandym,
galyp bilmän ýatdym uzak.

Men bir pulsuz, malsyz tütjar,
Müň bir söwda urdum başym.
Hasabym çykmady, ýolda
Galdy garaşan argyşym.

Men bir bagşy, dutary ýok,
Eşiden bolmady sazym.
Ses edip aglasym geldi,
Ýaram açyk, derdim azyp...

Men bir goşunsyz general,
Hemem tütjar pulsuz, malsyz.
Dutarym ýok, emma sazym
Eşitdi millet mejalsyz...

Belki, muny bilmezdim men,
Ölüp gidip, ganym durman.
Bir türkmen, päliwan türkmen,
Ýaralarma çaldy derman.

Soňra meni alyp egne,
Ylgady ol gözsüz ýaly.
Men bir goşunsyz general,
Hemem tütjar, ýok pul, maly...