Hantamaçylyk

“God’s great!”, “Alla ekber!”
Şol bir sözler, şol bir sesler.
“God’s with us!”, “Hak biz bilen!”
Diýýär urşa giren esger.

Hala haýyr, hala-da şer,
Ýa-da bary garym-gatym;
Adam eden, etjek işin --
Aklar ady bilen Hakyň.

“God’s great!”, “Alla ekber!”
Öleli ýa gutulaly.
“God’s with us!”, “Hak biz bilen!”
Gaçaly ýa tutulaly.

Şeýle boldy, şeýle galýar,
“God’s with us!”, “Hak biz bilen!”
Adam bir gün gözün ýumýar,
Bir dem tamam bolýar ýalan.

Emma galan diýýär, seret:
“God’s great!”, “Taňry beýik!”
Hantamalyk gursun, her et,
Ömür gaçyp barýan keýik.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019