Gorkusyzlyk

"Olar partiýadan gorkardy ýaman, -
zeýrendi adam.
- Ak tam bordy ýüzleri
Moskwany agzasaň.
Içlerinden okap bilen dogasyn,
ogullaryn sünnet etdirmän saklap,
ýürekleri gasyn-gasyn,
otla ýükläp zamça bişse,
ýa-da halyly üzüm,
ýa erigiň irkisinden
ibärdiler elin wokzala çykyp,
ynanmazdym eger görmese gözüm...

Olar Moskwadan gorkardy ýaman,
indi hudaýdanam gorkýan ýok, aman!"