Seýil

Aýyplamak aňsat başga birini,
ýa-da müňkür bolmak içiňden agyr,
garadygna özgeleriň,
a özüňi ak bilmek,
görkezmek pida soňsuz,
mysapyr gürlän bolup,
aňsat başgaň aşygyny
eliň tersi bilen sülmek,
hem garaşmak alçy gopar,
çözüler bar mesele,
aňsat arzuw etmek diňe,
ak bolmagy boýdan-başa,
ak galmagy boýdan-başa,
emma hiç kim boýdan-başa
ak ýa gara bolmaýar,
çünki durmuş ak-gara
fotosurat däl köne,
gyralary döwük-ýenjik,
görünse-de daşdan şeýle,
aýyplamak aňsat başgany mydam,
hemem geçip gitmek mundan
gelen dek keýpine, seýle.