Adamlar agyr gününde

Adamlar agyr gününde,
ölmelimi-galmalyda,
özleri bilen bolmasa,
bolmasa seniň bilen,
bilmese öz ýeňilligin,
gutulyşyn, elbetde,
kelte pikirlense, kelte düşünse,
ýa düşünmek islemese,
agyr görse aň-üşügiň ýoluny,
tersine şol agyr ýüki
agraltmaga gol ýapsa
düşünip ýa düşünmän,
sen olara düşündirip bilmeseň
düşüneniň, göreniňi,
näçe isleseň-de ýanynda bolmak,
özi bilen bile bolmadyk bendä
ýoldaş bolup bilmersiň,
ýa ýoldaş edinip bilmersiň ony,
adam ýeke-ýalňyz galmagy saýlar
ýeke taşlanda seni.