Akylsyz howpy

Sen adamyň akylyny kemsitme,
bilip-bilmän, aýdan bolup bilýäniň,
ýat tutan-da bolsaň Sokratyň sözün,
garalawça däl-de, yzdan gelýäne,
belki, adamzada ýüzlenip aýdan,
many çykar ykbalyndan dananyň,
akylsyzlar akyllydan ar alar,
köplük olar, mydam köplük bolarlar,
diýenleri geçer islendik ýerde,
çekil yza görseň akylsyz süri,
diýme, meger, haýyr bardyr her şerde,
gaçarak dur ata-baba nakyldan,
jaýdar bolsun, bolsun käte ýerlikli,
sebäbi bilmersiň kime degjegin,
nämä gerek salgy bermek agzyna,
özün tanap, başgalara sögjegiň.