Trawma halky

O birisi, bu birisi dul galsa,
ýa-da ýary taşlap gitse naçary,
ýa erkegi, içgä özün aldyran,
ýa-da işsiz galyp, entese biri,
ýa-da türmä düşse hökümet uran,
gürrüň edýän, gybat edýän begenip,
dymmaly ýerinde agyr, gaýgyly,
durup bilmän açýan arly ýüregin,
ýa daşyndan gizlese-de şatlygyn,
içindäki görnüp duran sözünden,
geçen ýoly, belki, bütin durmuşy,
ýaşaýyşy bolsa trawma iliň,
käte haýsy söz gelse-de ujuna,
dişlemeli bolýar ganadyp diliň.