Nogaýçadan erkin terjime

Şal-Kiýiz diýer, şuny aýdaýyn size:
Ýagşylaryň ýagşylygy şu bolar -
Ýaman bilen ýolda duşsa, gürleşse,
pikir etmäň gepi-sözi ugrugar.

Ýamanlaryň ýamanlygy şu bolar -
Ýaman bilen ýolda duşup, gürleşse
Göre-bile ýagşylary garalar.

Iki ýagşy ýolda duşsa, gürleşse,
Hiç aýrylmaz, ýakyn-ýegre dost bolar.
Iki ýaman ýolda duşsa, gürleşse,
Bäş gün geçmän bir-birine kaş bolar.

Ýagşy bilen ýoldaş bolup, gürleşseň,
Aýdym eder aýdan sözüň agzynda.
Ýaman bilen ýoldaş bolup, tirkeşseň,
Ýagşy sözüň ýaman edip ýetirer,
Doganyňy duşman edip getirer.