Urlan tire

Urlan tire, gyrlan tire,
sürlen tire jaýdan jaýa,
ogul-gyza, agtygyna,
çowlugyna, ýuwlugyna
miras goýar gorkusyny,
gitme diýer gitmelide,
etme diýer etmelide,
aýtma diýer aýtmalyda,
gaýtma diýer gaýtmalyda,
eger öňe çyksaň, gitseň,
etseň, etjek bolsaň işiň,
aýtsaň günde aýtmalyny,
gaýtmalyda dursaň, gaýtsaň,
ertir ýene gitmek üçin,
işiň dowam etmek üçin,
busup ýatan, ikiýüzli,
ýa-da işlän üç tarapa,
dil uzadar, el uzadar,
urlan tire, gyrlan tire,
ýagysyna gül uzadar