Bilmen, ömrüm aklykmy ýa garalyk

Bilmen, ömrüm aklykmy ýa garalyk,
el-aýagym baglanypmy ýüpsüz-ow?
Ýollar ýognap, duranmy ýa garanyp,
ne ýükçiýem, maýrylyp men ýüksüz-ow?

Hany meniň uzan ýerine ýeten
ellerim, ellerim, uzyn ellerim?
Hany, nirde meniň öl ýere biten
dillerim, dillerim, uzyn dillerim?

Hany, göwün, göwündirin öýtmedik,
hany ýalan dünýä aldanan ýürek?
Döwük-enjigimi özüm seýkledim,
özüm öz gämime bolup men kürek!

Bilmen, ömrüm aklykmy ýa garalyk,
ýorgudy kyn, gara gaýga galdym-ow;
iki günlük myhmanmy men garanyp,
aňmanmy men elipmidim, daldym-ow?..