Adam ýaly ýaşajakdyk,
ýurdumyzda, başymyz dik,
şärik bolman ogurlyga,
goşgy ýazman Lenin hakda,
jellat hakda nobatdaky,
şahyr hakda, şa hem baky.

Diletenta biri ýazypdyr, "...aga,
türkmen dilin gaty gowy bilýäňiz,
ulanýaňyz" diýip, ýüregi bilen,
başga birniň çykan zadyn ogurlan,
ak girse-de, aň girmedik diýleni,
diýmändir ýok, meniňki däl makala...

Olaryň elleri gowy ýaragly,
boýlary-da uzyn seňkiden gowy,
maşynlary gurat, döwlet adyndan,
kanunyň adyndan saklarlar seni,
ýöne senem bilýäň, olaram bilýär,
gep, mesele kanunda däl hiç haçan...

Aç adamy, alňasany gorkuzmak,
dowla salmak aňsat bolýar hemişe,
dowla düşen aljyraýar has beter,
aňsat bolýar ony aldamak, itmek
ogurlyk ýoluna, talaň ýoluna,
uly, kiçi, hiç parhy ýok ýalanyň...

Öz ýüzüňe bakmak üçin aýnada,
göni garap gözleriňe, içinde
çylgym-çylgym gyzylyndan utanman,
ýalňyşan ýerleriň, etmesiz işi
bile-göre eden ýerleriň yzy,
mese-mälim bolup duran özüňe...

Ýa açgözlük ýalmap, ýuwdup milleti,
il-ulusy doly ýegsan etmeli,
ýa-da millet boýun alyp keselin,
iň döwrebap hassahana gitmeli,
gözlemeli dermanyny, melhemin,
gizlän bolman, derdin aýdyp aç-açan...

Seredip duranyň gürrüňi mydam
edilipdir, edilmeli ýene-de,
olar on däl, ýigrimi däl, müňlerçe,
bir ýurtda kän, beýleki-de onça däl,
ýöne näçe gürrüň etseň, seredýän
şonça daşda ýa-da aşakda oturar...

Iň esasy mertebesiz,
özün satyp ýaşan pahyr,
mertebeli ýaşajagy,
ýaşajagy ar-namysly,
özi ýaly ýaýaplaman,
berim berip, aljak bolup...

Ýatda sakla, unutma hiç,
gerek wagty gelmedigi,
düşen günüň bilmedigi,
ýa güleni içden, daşdan,
hol beýläňden görüp, synlap,
soňra gelen, bilen bolan

Biri biler azda-kände,
beýlekisi biler has kän,
bilmän galan bolmaz asla,
näme bolýar jemgyýetde,
köçesinden kimler geçýär,
kim baýaýar obasynda,