Surat

Duşman gözlegi

Olar duşman gözleýärler,
howply duşman, elbetde.
Tapyp başyn almaly,
ýa zyndana salmaly,
ýa sypdyrman saklamaly gözden hiç,
bir ýamanlyk etmez ýaly iru-giç.

Olar duşman gözleýärler,
ganym duşman, elbetde.
Bahyl, görüp bilmeýän
bagtyn eziz iliniň,
şondan aýdýan her hili
bor-bolgusyz zatlary,
ýüzden, müňden aşdy gitdi
garalanan atlary.

Dymdyrdylar dilli bolsa,
ýudmurdylar gözli bolsa,
indi diňe diý diýleni diýilýär,
gör diýleni görülýär,
egýär başy bolan başyn,
hyrçyny dişleýär dişli,
a gargyşly içe salýar gargyşyn.

Olar duşman gözleýärler,
zandyýaman, elbetde.
Hemem kösenýärler örän,
sebäp özlerinden beter
basýan biljek däldi döräp...

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2024