Babaly günler
Durdy Baýramowyň Kanadada döredilen öý-muzeýi hykyndaky filmi görüp, kagyza geçen setirler.
Bir pursat, azajyk, sähel-de bolsa,
Babaly günlere dolandym ýene,
agaly günlere dolandym ýene,
ataly günlere, eneli güne,
doganly günlere,
uýaly güne,
goňşuly, golamly,
obaly, illi,
toýly, ýasly,
adam ýaly ýaşalan,
adam ýaly gatnaşylan bir pursat,
adam ýaly gürleşilen,
gülüşilen, aglaşylan,
adam ýaly işlenen,
döredilen - iň esasy,
yzynda iş goýan adam,
her näme et, bolmaz asy...