Her kim öz gözünden görer
Her kim öz gözünden görer,
iş ýok munda geň göresi;
her iliň özüne görä
boldy, bolar beg, töresi...
Öz arşyny bilen ölçär,
öz elinde tutar her kim;
nirä barsyn, nirä çyksyn,
öz ýanynda ýatar her kim.
Öz dilinden diýer her kim,
eşider öz gulagyndan;
hiç kimiň düşesi gelmez
ölüp ýeten ulagyndan.
Biri geçit, içit galdyr,
geçer, içer yzdan gelýän;
beýlekisi köşk saldyr,
ýaşa diýsin diýer ölýän...