Oňaýsyzlyk

Şeýle bolýar, ýaşulular kämahal,
ýa akylly boljak bolýar, ýa ýaşuly, bilmedim,
akyl berýär, öz işi däl zatlara,
başga birniň durmuşyna goşulyp,
işine goşulyp, hamala, walla,
öz durmuşyn, öz işin düzeden dek birkemsiz,
bilmeýän zadyny öwredýär durup,
wagtyny ýitirip, wagtyňy alyp,
näme diýjegiňi bilip bileňok,
diliňi dişleýäň, edepden, belki,
berlen maslahaty almak isläňok,
a ol berdim edýär jübiňe salyp...