Maslahaty alynmaýan adam

Ol 1980-nji ýyllarda, köplenç iş günleriniň ahyrlarynda, işgärler işden gaýdyşýan wagtlary Aşgabadyň Metbugat öýündäki redaksiýalara aýlanyp, baş redaktorlara ’kimiň tekerine nähili taýak sokmalydygyny’ maslahat bererdi. Indi başga ýurtlarda işleýän ildeşleriniň eline kakmaga çylyşýar: wagtyny, puluny gysganman, her ýerlere telefon edýär. Bular işlemese, iş bilen başga ýurtlara barýan tanyşlaryna öz halamaýan adamlaryny haýalçyratmak üçin degişli emeldarlar bilen duşuşmagy, gürleşmegi tabşyrýar, ýoly düşse, özi baryp, meseläni ’keserdip goýýar’. Ýöne onuň ’akylly’ maslahatyny, näme üçindir, kän almaýarlar.