Pursatparazlar

Ol partbiletini yzyna tabşyryşyny gürrüň berende, üns berdim, her gezek paýtagtyň etrap partiýa guramasynyň başlygynyň adyny aýratyn hormat bilen tutýar. Nämemiş, ol: "Men seniň kompartiýadan çykanyňy hiç kime aýtmaryn, partbiletiňi seýfimde goýaryn, eger birden ýagdaý üýtgese we pikiriňi üýtgetseň, göni meň ýanyma gel, yzyna bererin" diýipdir. Ol indi ozal kompartiýadan tama eden zatlaryny, namaz okap, alladan dileýär. Paýtagtyň etrap partiýa guramasynyň oňa dogry düşünen başlygy bolsa, kompartiýa agzalygyny dempartiýa agzalygyna çalşyp, adyny üýtgeden köne hökümetde täze ilçi bolupdyr.